Monday, June 19

முகமூடிகள்



சிரித்து சிரித்து

முதுகில் குத்துவர்....
பேச்சின் நடுவே
குழி பறிப்பர்..
அழுது புலம்பி விழ வைப்பர்...
'வாழ்தல் சாத்தியமா
இவர்கள் நடுவே !' என
பயம் கொடுப்பர்....
எங்கே ஓடுவது இவர்களை வெறுத்து...?
முதலைக் கண்ணீர் ;
ஓணாய் கரிசனம் ;
நரியின் தந்திரம்;
புலியின் கொடூரம் ;
இன்னும்..இன்னும்..
மனிதன் எனும்
முகமூடிகளுடன்
உலக உருண்டையின்
எல்லா மூலைகளிலும் பலர்...
எங்கே ஓடுவது இவர்களை வெறுத்து...?

வேறு வழியில்லை
அன்பெனும் கேடயம் எடுத்து
புன்னகை அம்புகள் தொடுத்து
போரற்ற களத்தில் சந்தித்து
வீரமாய் ..விவேகமாய்...
இவர்களை திருத்து..
இல்லையேல் விலக்கு...!