Thursday, October 4

திருத்த முடிந்தால் .....


உன் காதலை
நான்
உணராமலில்லை...
உன் நினைவுகள்
என்னைச் சுற்றி
வருவதும்
தெரியாமலில்லை...
நானே
உன் வாழ்வில்
வசந்தமென்ற
உன் நினைப்பும்
புரியாமலில்லை...
என் கடைக்கண்
பார்வை ஒன்றுக்காக
பல நாளாய்
காத்திருக்கிறாய்
என்பதையும்
அறியாமலில்லை....
ஆனால்..
என்ன செய்வது சொல்
என் இனிய நண்பனே ???
காதல் என்பதையே
சமூகக் குற்றமாய்
எண்ணும்
இந்த சமூகத்தை
உன்னால்
திருத்த முடிந்தால் சொல்.........
நானும் உன்னைக்
காதலிக்கிறேன்....

Wednesday, April 4

இதயத்துள் நீ !


இன்று...
நீ என் இதயத்தில் வார்த்தை
முட்களை
விதைக்கிறாய் !
வருத்தமாக இருக்கிறது..!

எனக்கு வலிப்பதால் அல்ல!
நீ

முதன்முதலில்

உன் பாதம் பதித்து வரும்போது..
உனக்கு வலிக்குமே என்று ...!

அறிவாயா???


நீ உன் வார்த்தைகளால்
பிழிந்து போட்ட
என் மனதில் தான்
எத்தனை
சோகச் சுருக்கங்கள்
அறிவாயா????

Monday, January 22

நம்பிக்கைச் சிறகுகள் !!


உயிர் துறக்க ஒரு
சில நிமிடங்கள் போதும்..


உயிர் கொடுக்க ஒவ்வொரு
அன்னையும் மறுபிறவி எடுப்பதை
எண்ணிப் பார் !


நீ வெறுமையைக் கொண்டாடுகிறாய்...
வாழ்வை மரணத்தின் கையில் கொடுக்கிறாய்...

நம்பிக்கை எனும் சிறகை உணர் !


கண்ணீர்த் துளிகளை
வார்த்தைகளாக்கி வாதாடு !


துணி்ந்தால் கடல்நம்
காலைத் தொட்டுக் கும்பிடும் !
பயந்தால் பனித்துளி கூட
மூழ்கடித்து விடும் !




மரணத்தின் முன் உன்
இறுதி நேர துணிவை
வாழ்வின் மீது திருப்பு !


வாழ்க்கை நாட்கணக்கல்ல..
செயல் கணக்கு...


நல்லதும் கெட்டதும்
உலகத்தில் இல்லை
உள்ளத்தில் தான் !!!