Monday, January 22

நம்பிக்கைச் சிறகுகள் !!


உயிர் துறக்க ஒரு
சில நிமிடங்கள் போதும்..


உயிர் கொடுக்க ஒவ்வொரு
அன்னையும் மறுபிறவி எடுப்பதை
எண்ணிப் பார் !


நீ வெறுமையைக் கொண்டாடுகிறாய்...
வாழ்வை மரணத்தின் கையில் கொடுக்கிறாய்...

நம்பிக்கை எனும் சிறகை உணர் !


கண்ணீர்த் துளிகளை
வார்த்தைகளாக்கி வாதாடு !


துணி்ந்தால் கடல்நம்
காலைத் தொட்டுக் கும்பிடும் !
பயந்தால் பனித்துளி கூட
மூழ்கடித்து விடும் !




மரணத்தின் முன் உன்
இறுதி நேர துணிவை
வாழ்வின் மீது திருப்பு !


வாழ்க்கை நாட்கணக்கல்ல..
செயல் கணக்கு...


நல்லதும் கெட்டதும்
உலகத்தில் இல்லை
உள்ளத்தில் தான் !!!