Posts

Showing posts from October, 2010

சிலநேரங்களில்...

Image
எங்கே தேடுவேன் மன அமைதியை ?? அலைக்கழிப்பில் என் உயிர்... யாருக்காக..எதற்காக...ஏன்... புலப்படாத நேரங்களில் புதுவிடையாய் உன் தரிசனம்... விடையா? இல்லை நீ புதிரா?? ஏனிந்த எண்ணமாற்றம் என்னுள்...
வாழ்க்கைப் பாதையில் வசந்தம் கூட
சிலநேரங்களில் 
சூறாவளியாய் சிலருக்கு !
எண்ணக் கோர்வையின் கவிதைகூட சிலநேரங்களில் கிறுக்கலாய் சிலருக்கு ! செவி வழி உயிர் வருடும் இசைகூட சிலநேரங்களில் இரைச்சலாய் சிலருக்கு ! பார்க்கும் பார்வையின் அர்த்தம் கூட சிலநேரங்களில் தீர்க்கதரிசனமாய் சிலருக்கு ! தீட்சண்யமாய் சிலருக்கு ! தரித்திரியமாய் சிலருக்கு !!!
உன் விழியின் வீரிய வீச்சும் புதிர் போடும் புன்னகையும் என்னை இளைப்பாற்றும் நிழலா??
இல்லை இருட்டடிக்கும் இருளா????

வேராக நீ இருக்க....

Image
சீறும் விழிகளும் உயர்த்தும் புருவங்களும் சுளிக்கும் உதடுகளும் மட்டுமே போதுமானதாக இருக்க எனைக் காயப்படுத்த நீ ஏந்தியிருக்கும் புதிய ஆயுதமாக வார்த்தை அம்புகள்... மழை நின்ற பிறகும் நடுங்கும் மலர்போல என் மனம்...! வார்த்தைகள் வதைக்கவில்லை அதைப் பிரசவிப்பது  உன் உதடுகள் என்பதுவே வலி .. அதீத அன்பின் வெளிப்பாடா  ஆழ்மனதின் வெறுப்பா சொல்லுருவம் பெற்றது  என்னவென்று புரியாமல் நான்... எதுவாக இருந்தாலும் வெளியே தெரியாத  வேர்தான் நீ எனக்கு வெட்டிவிட நினைக்காதே வீழ்ந்துவிடுவேன் நிரந்தரமாய் !!!
-