Thursday, October 14

சிலநேரங்களில்...






எங்கே தேடுவேன் மன அமைதியை ??
அலைக்கழிப்பில் என் உயிர்...
யாருக்காக..எதற்காக...ஏன்...
புலப்படாத நேரங்களில்
புதுவிடையாய் உன் தரிசனம்...
விடையா? இல்லை நீ புதிரா??
ஏனிந்த எண்ணமாற்றம் என்னுள்...

வாழ்க்கைப் பாதையில் வசந்தம் கூட
சிலநேரங்களில் 
சூறாவளியாய் சிலருக்கு !
எண்ணக் கோர்வையின் கவிதைகூட
சிலநேரங்களில்
கிறுக்கலாய் சிலருக்கு !
செவி வழி உயிர் வருடும் இசைகூட
சிலநேரங்களில்
இரைச்சலாய் சிலருக்கு !
பார்க்கும் பார்வையின் அர்த்தம் கூட
சிலநேரங்களில்
தீர்க்கதரிசனமாய் சிலருக்கு !
தீட்சண்யமாய் சிலருக்கு !
தரித்திரியமாய் சிலருக்கு !!!

உன் விழியின் வீரிய வீச்சும்
புதிர் போடும் புன்னகையும்
என்னை இளைப்பாற்றும் நிழலா??
இல்லை இருட்டடிக்கும் இருளா????